เวอร์ชั่นกำเมือง
ฮักบ้านเกิดเจ้า
...ข้าเจ้าเป๋นสาวเจียงใหม่
แห๋มบ่เต้าไดก่อจะเป็นสาว(เฒ่า)แล้ว...
ข้าเจ้าคนเจียงใหม่เต๋มร้อย
ตั้แต่อุ๊ยแต่หม่อน
บ้านจองก่ออยู่ตั่มหมู่นี้ บ่ได้ย้ายมากจากไหน
ก่อเลยเป๋นคนเมือง
อู้กำเมืองมาตั้งม่อกละอ่อน
บ่ถ้ามารณรงค์อะหยัง
ข้าเจ้าก็อู้เมือง จดข้าวนึ่งตึงวัน
แม่เล่าหื้อฟังว่า ตอนอนุบาล ปาไปเข้าโฮงเฮียนในเวียง
เปิ้นอู้ไทยกั๋น น้องปอยบ่ยอมอู้เจ้า
เป่นก๋านป้อแม่ ต้องมาอู้ไทยกั๋นตี้บ้าน
จ๋นเวลาอู้ไทย บ่ปะแล้ดเมืองจะอี้
เฮาเป๋นละอ่อนในเวียงต้ะ
อยู่โฮงเฮียนก็อู้ก้ากำไทย
แม่เพี้ยกเป๋นกำ
ว่าอี่หน้อยอู้เมืองปะแล้ดเป๋นไทย
มีเปื้อนมาแอ่วมาหา
เปิ้นเป๋นคนขอนแก่นเนาะ
เปิ้นก่อมาเพี้ยกเฮาว่า เฮาอู้เมืองเป๋นสำเนียงไทย
เสียเซ้วหมดก่าเจ้า
แต่หยังไยก่อแล้วแต่เต๊อะ
ไปเฮียนมาบ่ฮุ้กี้ภาษา
ภาษาไหนก่อฟังบ่ม่วนบ่งันเต้าภาษาบ้านเฮา
ใจ๋เฮามันเป๋นกำเมืองน้อ
จะเอากำอื่นมาอธิบายมันก่อบ่ได้ถ้อย
แต่เวลาเปื้นฝูงบอกหื้ออู้เมืองหื้อมันฟังน่อย
เฮาก็อู้บ่ออก
มันอายกำอู้
หื้ออู้กะป้อกะแม่ละหื้อมันลักฟังนี่ได้ก่า
แต่มาอู้ลอยๆ ไขจะไปอุ้ได้วะ
ละแห๋มหยั่ง
เฮาฮู้สึกว่ากำเมืองมันเป็นกำตี้ใกล้ชิด
เฮาเลยบ่ไค่อู้กะคนอื่นๆ
ไปซื้อเข้าซื้อของในห้างเฮาตึงบ่อู้เลาะ
บ่ฮู้เป๋นหยังไย
จ๋ำสังคมศึกษาได้ก่อ
ตี้เปิ้นว่าความสัมพันธ์ปฐมภูมิกะทุติยภูมิ
เฮาอุ้เมืองกะคนตี้มีความสัมพันธ์ปฐมภูมิกะเฮาตะอั้น
เป๋นผีบ้าผีจ๋องเหียละก้าฮานิ
ไปเมืองจีนกำนี้ต้องไปซื้อเพลงกำเมืองมาเก็บไว้ในคอมนักๆ
เวลากึ้ดเติงหาบ้านจะได้เอามาฟัง
บ้านเฮาน้อ
อะหยังก่อสู้บ้านเฮาบ่ได้อยู่ดี
ปล. ใครต้องการซับภาษาไทยยกมือด่วนค่า อิอิ