นางเทวดาผุ้รับเอาขุนสังขานต์ เสด็จจระ โคณวิถี เข้าสู่ธานี รวายสีเมษเจ้า ขุนสังขานต์ ใสงามบ่เส้า ยามลีลา เมื่อนั้น จากหนวันออก ไปตกนั้นหนา ตามทางมรรคา เสด็จไต่เต้า มือนึ่งถือปืน และฅ้อนจอมเจ้า ใสสว่างเสี้ยงเรียบเมี้ยน รับองค์หน่อเนื้อ เรืองริทธิ์ส่องใส ยามองค์ท่านไป รวายสีเมษหั้น ตามในธัมม์ อานิสงส์เฝื้อฝั้น ที่ได้ขีดแต้มแต่งย้อม มือกำขอช้าง แถมข้างแสงใส กำหอกตวยไป อยู่แท้ใจ้ใจ้ จากออกแจ่งเหนือ เจือตกแจ่งใต้ ตามขียาแห่งท้าว มือถือดอกไม้ แต่งแต้มแกมเหลา เปนดอกเมืองเฮา บ่แม่นดอกใต้ คือว่าพระญา ดอกไม้แท้ไส้ ใสใยยองฟ่องฟื้น จากอุตรทิศ ล่องลงจิ่มไกล ทักขิณาใน ไขปันหื้อเสี้ยง นางสุนันทา เจ้าใบหน้าเกลี้ยง มานอนอยู่ถ้าบ่คร้าน มือทือดอกไม้ แลดาบที่กำ ตนทรงธรรม์ ลีลาไต่เต้า จากหนบุพพา สู่ปัจฉิมาเข้า ตามกำพีร์กระทู้ ลางพร่องนั้น ใส่ชื่อคมขำ มานันทะอัน แถมชื่อของเจ้า รับต้อนองค์ สังขานต์ยาตร์เต้า ปางเมื่ออั้นบ่แฅล้ว ยัวริยาตร์ ทั่วด้าวทังขง จากวันตกองค์ สู่หนออกตั้ง ถือยังกุมภะ แลวีออกกั้ง สองฝ่ายเบื้องหัตถ์ท้าว เหมาะม่อยเนื้อ หื้อตามประสงค์ นาฏอนงค์ เชียงครานหยั่นหย้อง ดอกไม้นามปี ตามมีชู่ห้อง นางเอามาชูค้ำ จากอาคไนย์ พอกพลิกหนตัว ก็ยาตรยัว หนพยัพวันท์ไหว้ มือนึ่งทือขวาน เจือจานฅ้อนไสร้ ตนองค์ครานหน่อไธ้ นางนึ่งน้อย มานั่งเจียรจา รับสุริยา ที่คลาไต่เต้า รอบสีเนโร ม่อนดอยจอมเหง้า ปางมหาสังกรานต์เทื่อนี้ มือกำไม้ค้อน ไวว่องสว่างใส จากอีสานไป วันตกแจ่งใต้ นางตโปตา องค์ครานที่ไหว้ นั่งเหยียดปาทาอยู่พร้อม วัดหมื่นเงินกอง ต้นเหง้าปางหลัง ที่ได้เอาธัมม์ มาไขบอกแจ้งฯ ก็วางขว้างปันข้าจิ่ม
|
บทความทั้งหมด
|
|||||||||||||||||||||
 |
|
ผู้ติดตามบล็อก : 1 คน [