|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | |
|
|
|
|
|
|
|
นิทานก้อม ... พ่อเฒ่าเลือกลูกเขย
ย่อนว่าสาวตื๋อ เลากะคนหน้าตาไคแหน่เนาะ มีผู้บ่าวมาม่ายหลายคนอยู่ ผู้บ่าวบ้านเดียวกันนำ บ้านอื่นนำ บ่าวกึ่มกะผู้หนึ่งในหนั่นล่ะหว๋า
พ่อของสาวตื๋อ เห็นว่าเถิงเวลาแล้วที่สิซ่อยลูกสาวเลือกคู่ กะบอกกับลูกสาวว่า
พ่ออยากได้ลูกเขยที่ขยันขันแข็ง เอาการเอางาน มาซ่อยพ่อเฮ็ดไฮ่เฮ็ดนา เด้ลูกเอ้ย พ่อสิซ่อยเบิ่งให้
แล้วสิเบิ่งจั่งได๋ล่ะพ่อ จั่งสิฮู้ว่า ผู้ได๋เป็นคนขยันขันแข็ง เอาการเอางาน สาวตื๋อถามพ่อ
โอ้ย..มันสิเบิ่งยากหยัง ผู้ได๋ขยันเฮ็ดงาน หนักเอาเบาสู้ แค่บายมือกะฮู้แล้ว มือมันสิ หยาๆ ด้านๆ
แล้วพ่อกะสั่งสาวตื๋อ ให้บอกพวกผู้บ่าว ที่มาเล่นนำซุคน ว่าพ่อสิเลือกลูกเขย ในมื้อนั่นมื้อนี้
นัดกันเรียบร้อย แล้วกะเถิงมื้อนัด ผู้บ่าวสาวตื๋อ กะมาซุคนเด้
ฝ่ายบ่าวกึ่ม เลากะฉลาด เอามือปั้นข้าวเหนียวที่มันแฉะๆ เหนียวๆ ให้ข้าวเหนียวติดมือนั่นหนา แล้วกะปล่อยให้มันแห้ง เตรียมโตไว้ ท่าให้พ่อสาวตื๋อเลือกเต็มที่
พ่อสาวตื๋อ กะเอิ้นเข้าไปทีล่ะคนๆ บายมือแล้วบายมืออีก กะจดจำไว้ว่า มือผู้ได๋ หยากว่าผู้อื่น บายไปบายมา กะมาเถิงคิวของบ่าวกึ่มเด้ อีตาทีเนี่ย
บ่าวกึ่มเด่มือขวาเข้าไป พ่อสาวตื๋อบายเบิ่ง
โอ้.. มือบักอั่นนี้ หยาดีคักเว่ย เลาคึดย่องในใจ
ไส ลองเอาข้างซ้ายมาเบิ่งดู้
บ่าวกึ่มกะเด่ข้างซ้ายเข้าไป พ่อสาวกึ่มบายแล้ว
อืม..มือบักอั่นนี้ หยาดีคัก หยาคักก่อของผู้อื่นที่ผ่านมา เลาคึด แล้วกะจำไว้
พอบายเบิ่ง จนครบเหมิดซุคน พ่อสาวตื๋อ กะออกมายืนประกาศ ให้ฮู้ทั่วกันว่า
พ่ออยากได้ลูกเขยที่ขยันขันแข็ง เอาการเอางาน มาซ่อยพ่อเฮ็ดงานเด้อ มือของคนที่หยาที่สุด กะคือมือของคน ที่ขยันเฮ็ดงานที่สุด แล้วพ่อกะได้บายเบิ่งมือ ของซุคนแล้ว มือของบัก.......
บักกึ่ม ... หยาที่สุด ดังนั้น พ่อขอตัดสินแล้วกะเลือก บักกึ่ม มาเป็นลูกเขยของพ่อ
บ่าวกึ่มกะดีใจจ้าวๆ นั่นแหล่ว
คันบ่ใช้แผนข้าวเหนียวทามือ สงสัยบ่าวกึ่มตกกระป๋องคักๆ เพราะว่ามือมันบ่ได้หยาเลย
นี่ล่ะ พ่อเฒ่า กะเริ่มเสียรู้ลูกเขยตั้งแต่ทีแรก เสียรู้ไปเรื่อยๆ คือจั่งนิทานเรื่องพ่อเฒ่ากับลูกเขยนั่นล่ะ
จาก //sitantara.50webs.com/shorts/short08.html
Create Date : 14 ธันวาคม 2551 |
Last Update : 14 ธันวาคม 2551 8:37:49 น. |
|
1 comments
|
Counter : 1490 Pageviews. |
|
|
|
|
|
|
|
Location :
[ดู Profile ทั้งหมด]
|
ฝากข้อความหลังไมค์
Rss Feed
Smember ผู้ติดตามบล็อก : 108 คน [?]
|
แหล่งรวบรวมความรู้ โปรแกรม เพลง หนัง เกมส์ วิทยาศาสตร์ ดูละคร เรื่องย่อ ภาพยนตร์ การเงิน และอื่นๆ อีกมากมาย สุดท้ายขอกำลังใจให้มีแรงอัพเดทตลอดๆ ครับ ขอบคุณทุกท่านที่เข้ามาเยี่ยมเยียนกันครับ
|
|
|
|
|
|
|
|
ม่วนดีเจ้า ... อ่านยากน่อย ๆ แต่ก่อม่วนหลาย
สวัสดีปีใหม่ด้วยดอกกุหลาบจากอำเภอปางมะผ้า แม่ฮ่องสอนเจ้า