Group Blog All Blog
|
เรื่องเมียคนไม่ติดเหล้า สวัสดีเจ้าคุณหมอ ข้าเจ้าเป็นเมียอำนวยเจ้า ตี้(ที่)แม่ตัดสินใจ๋พาเปิ้นมาฮักษา ก็เพราะหลังๆเปิ้นดื่มหนักขนาด ดื่มทุกวันเป็นขวดๆ ข้าเจ้าก็กลั๊วว่าเปิ้นจะไปต้าว(ล้ม) หัวฟาดแฮ๊ม(อีก) เนี่ย! เพิ่งต้าวหัวแตก เย็บไปตั้งหลายเข็ม แผลเพิ่งหายไปแต๊ๆ ป้อ(พ่อ)อำนวยแกเคยโดนรถจน(ชน) เกือบต๊ายมาเตื้อนึง(ครั้งหนึ่ง)แล้วเน้อ เข้าห้องไอซียูตั้งเมิน(นาน) ตอนนั้นแกมีสับสนโดนมัดเป็นสัปดาห์ หมอเปิ้นว่าเกิดจากกินเหล้ามาเมิน(นาน) พอหยุดเหล้าทันที สมองก็เลยปรับตัวบ่ทัน กว่าจะได้ออกโฮงยา(โรงพยาบาล)ก็เป็นเดือน ร่างกายฟื้นตัวจ๊า(ช้า) ออกมาอยู่บ้านบ่นาน เปิ้นก็ปิ๊ก(กลับ)ไปดื่มเหล้าอีก เฮ้อ! ข้าเจ้าบอกหื้อ(ให้)ป้อยั้งเหล้าตั้งหลายเตื้อ เปิ้นก็บ่ยอมฟัง หลังๆป้อมีระแวงกลัวว่าข้าเจ้าจะไปมีจู๊(ชู้) เดือดใส่เฮาขนาด บางเตื้อ(บางครั้ง)ถึงกับทำลายข้าวของ ถุบตีเฮา บ้านบ่เป็นบ้าน ลูกเมียเดือดฮ้อน(ร้อน)ไปหมด เฮ้อ! ข้าเจ้าจะไปมีได้ยังได๊ แค่นี้ก็ทำงานง๊กง๊ก อิ๊ดแต๊อิ๊ดว่า(เหนื่อยมาก) เงินที่ป้อได้มาก็บ่ปอ(ไม่พอ)หรอกเจ้า หมดไปกับค่าหล้าค่าฮักษา(รักษา)หมด ตอนนี้ที่ทำงานเปิ้นก็หมายหัวแก บอกว่าถ้ายังเมาหนักจะอี้(อย่างนี้) เปิ้นจะฮื้อ(ให้)ออกล่ะ ป้ออำนวยเปิ้นดื่มท้างวัน มันจะไปยะการ(ทำงาน)ได้อย่างใด๊ ใครไปใครมาก็รังเกียจ กลิ่นเหล้าคลุ้งทั้งตัว เฮาชวนเปิ้นมาฮักษาหลายเตื้อ(หลายครั้ง) แต่เปิ้นบ่ยอม บอกแต่ว่าเลิกเมื่อใดก็เลิกได้ นี่สิบกว่าปีล่ะ ยังบ่หัน(เห็น)เลิกได้สักเตื้อ(สักครั้ง) คราวนี้เปิ้นยอมมาฮักษา เพราะฮู้ว่าถ้าโดนเอาออกจากงานจะเดือดฮ้อนกันหมด ลูกก็กำลังเฮียน(เรียน)อยู่ จะเอาสตางค์ที่ไหนมาฮื้อ(ให้) หนี้ใหม่หนี้เก่าก็ยังบ่ได้ซ่าย(ไม่ได้ใช้คืน) ติดหนี้ที่แกไปกินเหล้านั่นนะ ที่หมอถามว่า เพราะอะหยัง(อะไร)ที่เฮายังอยู่กับป้ออำนวยนะหรอ เฮาก็เอ็นดูป้อ อยู่โตย(ด้วย)กันมาเมินจั๊กนั๊ก(นานมาก) แต่ก่อนเปิ้นบ่ใจ่(ไม่ใช่)คนยังงี้หนา เปิ้นขยันขันแข็ง สุภาพ บ่ค่อยปากกับไผ(ไม่ค่อยพูด) เฮาก็ฝากผีฝากไข้กับเปิ้น หวังว่าจะมีผู้นำครอบครัวที่ดี มาหลังๆนะที่ป้อเปลี่ยนเป็นคนละคน บ่เหมือนเก่า เพราะเหล้าแต๊ๆ(แท้) ถ้าเปิ้นเลิกเหล้าได้ เฮาก็หวังว่าจะได้ป้ออำนวยปิ๊ก(กลับ)คืนมา เฮาฮู้สึก(รู้สึก)จะใด๋กับป๋ออำนวยก๋า เฮาบ่ฮู้สึกอะหยัง(อะไร) มันชาชินไปหมดแล้ว ที่พาป้อมาฮักษา ก็ทำตามหน้าที่เมียบ่ดาย(เท่านั้นเอง) หมอว่าจะใด๋นะ อ๋อ ถ้าเป็นคนอื่นคงละทิ้งบ่สนใจแล้ว แต่เฮายังดูแลเปิ้นอยู่ใช่ก่ เพราะว่าเฮาเอ็นดู....เฮาฮัก(รัก)เปิ้นก่ะ..(ตาเริ่มแดง) แต่เปิ้นบ่หัน(เห็น)ความฮักของเฮาสักหน่อย เปิ้นบ่ยอมฮับ(ยอมรับ) บ่ยอมฟังเฮาเลย บางเตื้อ(บางครั้ง)เฮาใคร่ตายหื้อมันพ้นๆไป บ่อยากฮับฮู้อะหยัง(รับรู้อะไร)อีก ลูกก็บอกหื้อ(ให้)อดทน บอกว่าถ้าแม่บ่อยู่ ลูกจะอยู่กับใผ เป็นกำลังใจหื้อเฮาอยู่ได้ บางทีก็ก่าย(เบื่อ)ป้อขนาด แต่จะทิ้งมันไปได้อย่างใด๋ เฮาก็อยากฝากป้ออำนวยหื้อคุณหมอช่วยแกโตย(ด้วย) เฮาบ่ฮู้จะยะจะใดแล้ว(ไม่รู้จะทำอย่างไรแล้ว) ทำใจไว้แล้วเจ้า หากเปิ้นเลิกดื่มบ่ได้ อย่างน้อยๆให้ดื่มเบาลงพ่อง(บ้าง) เว้นช่วงบ้างก็ยังดี ข้าเจ้าเข้าใจ๋ที่หมออธิบายว่า คนติดเหล้าต้องใช้เวลาในการฮักษา และบางทีเปิ้นก็ปิ๊ก(กลับ)ดื่มได้อีก แต่ที่สำคัญคือมาตามนัดต่อเนื่อง เพื่อหาทางช่วยเหลือแก้ไขกัน ที่คุณหมอฝากให้ดูแลเรื่องยา เฮาจะจัดให้เปิ้น บ่หื้อขาดยา ต้องมาตามนัด เฮาก็จะพาป้อมา ต้องฮักษานานเป็นปี เฮาก็จะทำ ลองดูสักตั้งน่อ บ่มีคำถามอะหยังแล้วเจ้า ขอบคุณคุณหมอนั๊กๆเจ้า สวัสดีเจ้า
|
Sim Lim
 ฝากข้อความหลังไมค์ Rss Feed  Smember ผู้ติดตามบล็อก : 2 คน [?] Friends Blog
Link |
||||||||||||
