--- คำร้อง ----
(เกริ่น) ลมพัดข้าวดอ หัวใจอ้ายรอฟังข่าว คึดฮอดผู้สาว ที่เคยเว้ากันปีก่อน ว่าสิคืนนา ทุกคราเมื่อยามปลาข่อน แต่พอเจ้าจร ปลาข่อนเห็นคำแพง
(แหล่) บัดนี้ บัดนี้ เอ้อ... อ้ายอยากขอกล่าวก้ำ ทวนความจำจั้กกะหน่อย ฝากผู้สาวส่ำน้อย ผู้หายจ้อยตั้งแต่นาน ตั้งแต่คราวอยู่บ้าน เว้าคำหวานกับอ้ายบ่าว ยามหัวลมพัดจ้าว กลางฮวงข้าวก่องสลอน น้ำแจนาปลาข่อน ปลาซิวซอนดิ้นด่องๆ เอาสวิงค่อยซ้อน มาหมกพร้อมอีตู่นา จ้ำหมกปลาสัญญาน้อง ว่าเฮาสองสิมั่นแก่น ฮักเป็นแฟนก่อไว้ มื้อได๋พร้อมจั่งแต่งกัน พอหลังจากมื้อนั้น เฮากะห่างน้อกันไป เหลือแต่สัญญาใจ ที่แซในหัวใจ ซื่อบัดหลายเดือนหลายมื้อ ฟังเขาลือน้องเป็นต่าง สังคมเมืองเปลี่ยนร่าง ใจเคยตั้งกะเปลี่ยนตาม เสริมความงามตามแฟชั่น ตาหวานๆ แอวกิ่วๆ จมูกเสริมเติมแต่งคิ้ว มือสิบนิ้วเจ้าใส่แหวน นั่งเคียงเสี่ยยิ้มแป้น ในเก๋งแวนติดฟิล์มดำ เคยสัญญาแสนคำ เจ้าบ่จำเบิดคุณค่า (เพลง) เขาพาเที่ยวคาราโอเกะ ลืมเถียงนาเซที่เฮาเคยเว้าวอน ลมหนาวมาน้ำขอดนาปลาข่อน เพลินแสงนีออนบ่ฮำฮอนฮักเฮา อ้ายนั่งเหงาบนคันแทนากิ่ว มองเห็นปลาซิวดิ้นแด่วๆแดดเผา ดั่งสัญญาอ้ายโดนฆ่าค้วยความเหงา เพราะถูกผู้สาวแฟนเก่าเพินตัดรอน วอนสายลมทวงสัญญาปลาข่อน เบื่อแสงนีออนฟ่าวกลับคอนเด้อ...นาง เบื่อแสงนีออนฟ่าวกลับคอนเด้อ...นาง