D.I.Y by ENGR
Group Blog
 
All Blogs
 

กับอีก1ความภูมิใจ..ที่ได้ " หลอย " : อิสาน version

สวัสดียามมื้อบ่ายเด้อ พี่น้อง


อั่น...สิบอกว่า มื้อแลงวานนี้ ข้าน้อยได้เมือบ้าน พอดีอีแม่เพิ่นมีธุระให้เข้าไปหาจั๊กหน่อย

ระหว่างทางกลับบ้าน มันมีบ้านหลังนึง บ้านเพิ่นสิถึงก่อนบ้านเฮา บ่แม่นบ้านไผดอก เป๋นบ้านครูน้อยคนนึง ผู้เพิ่นเป๋นลูกน้องอีแม่อยู่โรงเรียนน๊านหล่ะ แต่ข่อยบ่อยากขอ อยากหลอยเอา ( แบบว่า ต่อมอะดีนารินสิทำงานได้ดีกว่ากันน๊า )
เนหยังคือจั่งอยากได้ อยากหลอย อั่น กะย้อนดอกแนวอันนี้มันเป่นดอกไม้สีแดงเหลือบชมพูอยู่น่อยๆ แดงกะแดงจึ่งคึ่ง โดนใจอย่างบักแฮง ตำตาสุดๆๆเล้ยแหม๊ะ กะเลยเกิเลสอยากได้คัก บาดทีนี้สายตาซ่อนแรนของข่อยก็เลยแนมเบิ่งคนจักนิด 555 แบบว่ามองดุ๊ มองเบิ่งคน เหลียวหาเบิ่งว่าบ่มีไผแน่แท้ ...พอบ่มีอีหลีกะได้เวลาปฏิบติการหลอยทันที กะเลยใช้กรรไกรตัดกิ่ง ( มีติดรถอยู่แล่ว อุปกรณ์คู่ซีฟไง 555 ) ตัด ฉับ ฉับ ฉับ เสีย ได้3กิ่งแหม๊

แล้วแล่วหล่ะ อื้อฮื้อ!!!! ข่อยกะฟ้าวบึ่งรถมอไซค์เมือบ้านข่อยหน้าตาเส้ย ....ขี่ฟีโน่อีเขียวของข่อยอย่างเพลินอารมณ์...มีความสุขหล๊ายยย...หลอยได้สมใจปราถนา

คาแต่โม้ ลืมบอก ต้นที่ หลอยมา นั่นละ เขาเอิ้นว่า พู่เรือหงส์ พู่ระหงส์ กะแบบว่า ซบาดีๆนี่เอง แต่ดอกมันงามหยดซดซ้อน อ้อยอี่อิ่งคือหยัง ...มา
มา มาพี้ มาเบิ่งเอา ..มีภาพประกอบนำเด้ละ...(คักเนาะ)






ปักบนแจกัน/ ทำสีแนวภาพน้ำมัน




BY คำอ้าย @ เฮือนฟ้างายอ้ายคำ นะ คุ้มบ้านโนน




 

Create Date : 11 มกราคม 2554    
Last Update : 11 มกราคม 2554 22:10:10 น.
Counter : 168 Pageviews.  


entanior
Location :
เพชรบูรณ์ Thailand

[Profile ทั้งหมด]

ให้ทิปเจ้าของ Blog [?]
ฝากข้อความหลังไมค์
Rss Feed

ผู้ติดตามบล็อก : 1 คน [?]




Friends' blogs
[Add entanior's blog to your web]
Links
 

 Pantip.com | PantipMarket.com | Pantown.com | © 2004 BlogGang.com allrights reserved.