ทักทาย คนพวน ไทยพวน ลาวพวนทุกๆคนเด้อ
สวัสดีคนพวน ไทยพวน ลาวพวนเฮาทุกๆคนเด้อ
เฮาเป็นคนพวนบ้านป่าแดง อ.ตะพานหิน จ.พิจิตร ขอสวัสดีพี่น้องชาวไทยพวนทุกๆคนเด้อ...เฮาคึดว่าจี่เอาเฮื่องเกี่ยวกับบรรพบุรุษของหมู่เฮาคนพวนมาเว้าสู่กันฟัง เผื่อว่าลูกหลานชาวพวนที่ญะฮู้จี่ได้เข้ามาอ่าน มาค้นคว้าหาข้อมูลไปเว้าสู่กันฟังต่อๆไป
กะขอออกโตก่อนว่าเฮาบ่แม่นคนที่เก่ง ที่ค้นคว้าและฮู้เกี่ยวกับคนพวนทั้งหมด บทความต่าง ๆ เฮากะเอามาจากหนังสือที่ผู้เฒ่าผู้แก่ชาวพวนเพิ้นได่ค้นคว้า ศึกษาหาข้อมูลเอาไว้แล้ว เฮากะเลยเอามาเขียนต่อ มาบ๊อ เฮ้อได่ฮู้ต่อ ๆ กันไป...แม่นเผอญะฮู้เพิ่มเติมกะเฮ้าไปเบิ่งในเว็บ www.thaipuen.comได้เด้อ หากแม้นเนื้อหาขาดตกไป บ่สมบูรณ์ ผู้เลอมีข้อมูลใหม่ๆ ดีๆ กะซ่อยเฮ้ามาแนะนำกันแด่เด้อ...
เฮาญะเฮ้อหมู่คนพวนเฮาได่เฮ้ามาบ๊อข่าวคราว ความเป็นไปของซาวพวนเฮาแต่ละที่ ญะเฮ้อคนพวนเฮาได่ฮู้ได่เห็น แม่นเผอมีข่าวผิเลอจี่บ๊อ อย่างจี่มีงานเทศกาล จี่มีงานบุญ อยู่หมู่บ้านเลอ งานของเผอ หรือเป็นงานของหมู่คนพวนเฮา กะเฮ้าบ๊อกันได่ในหน้านี้เด้อ คนอื่น ๆ จี่ได่ฮู้ข่าวความเป็นไปของคนพวนเฮาแต่ละที่เด้อ
แม่นเผอจี่ส่งข่าวเฮ้อเฮาเป็นการส่วนโตกะส่งเป็นข้อความมาหลังไมค์กะได่ หรือจี่ส่งเมล์มากะได่เด้อ sai_ru207@yahoo.com ผู้เลอจี่แนะนำ เสนอแนะ ส่งข้อมูล รูปภาพ ของกิจกรรมงานของคนพวนเฮา กะบ๊อมาได่เลยเด้อบ่ต้องเกรงเจอ
ชาวพวนเพลิดพริ้งเผ่าพันธ์ พบเพื่อนพ้องผูกพันพงศ์เผ่า พึ่งพิงเผยแพร่เผ่าพันธ์พวนพงศ์ เพื่อเพิ่มพูนพืชพงษ์เผ่าพันธุ์พวน... เฮาขอเอาบทกลอนของ คนพวนเมืองเพ็ชร เพิ้นมาลงเฮ้อได่อ่านกัน อ่านแล้วซื่นอกซื่อเจอหลายเด้อพี่น้อง... หากมีสิ่งหนึ่งสิ่งใดบ่ดีบ่งาม กะขอเฮ้อซ่อยกันติ ซ่อยกันแนะนำแด่เด้อ และเฮาขอเป็นผู้ฮับผิดซอบทั้งหมดเด้อ ส่วนอันเลอที่เฮาได่เอามาลงไว่แล้วเห็นว่าเป็นประโยชน์ต่อทุกผู้ทุกคน เฮาของยกความดีงามทั้งหมดเฮ้อบรรพบุรุษคนพวนเฮา ผู้เฒ่าผู้แก่ ปู่ญ่าตายาย อี่พ่ออี่แม่ ญาติมิตร หมู่เพื่อน กับหมู่คนพวนเฮา ที่ซ่อย ๆ กัน อนุรักษ์ทุก ๆ ผู้ทุก ๆ คนเด้อ โดยฮักและเคารพจากเฮา "หม่าเด่น"
Free TextEditor
Create Date : 05 พฤศจิกายน 2552 |
Last Update : 11 มีนาคม 2553 14:24:11 น. |
|
138 comments
|
Counter : 9758 Pageviews. |
|
|
เข้ามาทักทาย
คนบ้าน.....เดียวกัน