Group Blog
 
 
เมษายน 2556
 
 123456
78910111213
14151617181920
21222324252627
282930 
 
24 เมษายน 2556
 
All Blogs
 
ຜະຫຍາ2

ໂລກາພິວັດ


ງົວບໍ່ພໍໃຈນ້ຳ ສິຫາກີນນ້ຳມັນເຄື່ອງ

ເຂົ້າສິເກີດຢູ່ເມືອງ ມີແຕ່ເມັດໂຈ່ໂກ້ ໃບເຫງົ້າຫາກບໍ່ມີ

ທຸກມື້ນີ້ ນ້ອງພີ່ຜິດໃຈກັນ

ວັນເດືອນປີ ສິຕ່າວກາຍແປປີ້ນ

ຫີນສິລອຍເໜືອນ້ຳ ຄົນເລວຊາມສິເປັນໃຫຍ່

ໄຟສິໄໝ້ຮອດນ້ຳ ໃນຫ້ວຍຮ່ອມໜອງ

ຂຽດຈະນາສິຂື້ນຮ້ອງ ຫາຄູ່ຢູ່ປາຍແສງ

ປາຄະແຍງສິຂື້ນແປງຮວງຮັງ ຢູ່ເທິງປາຍຄໍ້

ຄົນສໍພໍສິໄດ້ເປັນຫົວຫນ້າ ເສນາອຳໝາດ

ພວກນັກປາດ ສິໄດ້ຕົກຕ່ຳຕ້ອຍ

ລີງນ້ອຍ ກະບໍ່ປານ

ປານໄກ່ປ່າ ມາຢາກເປັນໄກ່ບ້ານ

ພາກັນອ່ານທາງຜິດເສດຖະກິດສະໄໝເງິນໃບຊາວຄ່າບໍ່ມີພໍດີ້

ພູເຂົາຫີນ ຫຼຽວບໍ່ເຫັນກົກໄມ້

ໂລກສິເກີດເປັນໄຟ ລາມໄໝ້ໄປຈົນທົ່ວ

ຍ້ອນໃຈຄົນຫຍາບຊົ່ວ ຕົວະຕົ້ມຕັ້ງແຕ່ກັນ

ພຸດທະອົງບອກບັ້ນ ອາຍຸຂອງຄົນ

ສາລະວົນກັນເອງ ສິຂົ່ມເຫັງຄົນນ້ອຍ

ໃຜເປັນຫອຍເປັນກຸ້ງ ພຸງບາງສິຕາຍກ່ອນ

ໃຜພຸງໜາສິຖືກຄ້ອນ ຕາຍຖິ້ມບາດເທື່ອລຸນ

ໂລກສິເກີດວ່າວຸ້ນ ກັບຕ່າວຕາລະບັດ

ບໍ່ແມ່ນຍາມລົມພັດ ຫ່າລົມພັດເຊຕ້ອງ

ບໍ່ແມ່ນຄອງຝົນຟ້າ ສາຍຝົນພັດເລັ້ງລັ່ງ

ບໍ່ແມ່ນຍາມແຫ້ງແລ້ງ ດິນນັ້ນກະເລົ່າແຫງ

ຮອດຍາມຝົນກະແຫ້ງແລ້ງ ດິນຫາກໄຫງ່ເປັນຜົງ

ຝົນມາຫຼົງທາງທຽວ ໄດ້ກ່ຽວເອົາຢູ່ໃນນ້ຳ

ເຖິງເມື່ອຍາມຫຼົກກ້າ ດຳນາເຂົ້າກ້າຫ່ຽວ

ບາດເມື່ອເຖິງຍາມກ່ຽວ ຝູງໝູ່ກົບຂຽດຮ້ອງ ຝົນເທັ້ງພັດເລ່ັງລົງ.





ບົດກອນ ຜະຫຍາ ບຸນ ການທຳບຸນ


ຄັນຊິຄອຍແຕ່ບຸນມາຄໍ້າ ຄັນບໍ່ທຳກະບໍ່ແມ່ນ

ຄອຍແຕ່ບຸນສົ່ງໃຫ້ ມັນຊິໄດ້ຢູ່ບ່ອນໃດ

ຄືຈັ່ງເຮົາມີອາຫານໄວ້ ຄັນບໍ່ກິນມັນບໍ່ອີ່ມ

ມີລາບຄັນບໍ່ເອົາເຂົ້າຄຸ້ຍ ທາງທ້ອງບໍ່ຫ່ອນເຕັມ ຫຼານເອີຍ

ຊື່ວ່າໂລກີກວ້າງ ເມືອງຄົນມັນບໍ່ທ່ຽງ

ມັນຫາກຫງ່ຽງຊ້ອຍງ້ອຍ ຄືຄ້ອຍຕະລິ່ງຂອງ

ລາງເທື່ອລູກສິດໄດ້ ເປັນຄູສອນສັ່ງ

ລາງເທື່ອລູກອອກກົ້ນ ສອນສໍ້ພໍ່ແມ່ຄີງ

ລາງເທື່ອແນວເດັກນ້ອຍ ສອນຄົນຫົວດ່ອນ

ລາງເທື່ອລູກໄພ່ບ້ານ ສອນທ້າວບ່າວພະຍາ ແນວນັ້ນໄດ໊

ອິດອ່ອນແຮງເມື່ອຍລ້າ ຈາກວຽກໄຮ່ງານສວນ

ຫວນຄືນຕ່າວເມືອເຮືອນ ປວດເມື່ອຍຕາມກາຍເນື້ອ

ປູເສື່ອຕາກແດດໄວ້ ຕົບຝຸ່ນໃຫ້ໄຫງ່ຫ່າງ

ຫອມບໍ່ຈາງກິ່ນແດດກ້າ ສຸກກາຍເດ້ເມື່ອໄດ້ນອນລົງ







Create Date : 24 เมษายน 2556
Last Update : 26 เมษายน 2556 22:34:10 น. 0 comments
Counter : 2708 Pageviews.

ชื่อ :
Comment :
  *ใช้ code html ตกแต่งข้อความได้เฉพาะสมาชิก
 

yaovarit
Location :
กรุงเทพฯ Thailand

[ดู Profile ทั้งหมด]

ฝากข้อความหลังไมค์
Rss Feed
Smember
ผู้ติดตามบล็อก : 33 คน [?]




New Comments
Friends' blogs
[Add yaovarit's blog to your web]
Links
 

 Pantip.com | PantipMarket.com | Pantown.com | © 2004 BlogGang.com allrights reserved.