อุ๊ยคำ By จรัล มโนเพชร

อุ๊ยคำ..อุ๊ยคำ..อุ๊ยคำ..


อุ๊ยคำคนแก่ ท่าทางใจ๋ดี ลูกผัวบ่มี อยู่ตั๋วคนเดียว

มะแลงแดดอ่อน อุ๊ยคำก๋ำเคียว เกี่ยวผักบุ้ง ใส่บุงกล๋างหนอง

ต๋าก่ฝ้าก่ฟาง หลังก่งุ้มก่ก็อง อยู่กล๋างหนองจนมืดจนค่ำ

แล้วแกก็แบ่ง ๆ ผักบุ้งเป๋นก๋ำ ๆ ส่งขาประจ๋ำเลี้ยงตัวสืบมา


อุ๊ยคำเกยบอก เล่าความเป๋นมา ลูกผัวก่อนหน้านั้นอยู่ตวยกั๋น

แล้วมาวันหนึ่ง ๆ ผัวแกก็พลัน ๆ มาต๋ายละกั๋น เหลือเพียงลูกสาว

แต่แล้วแหมบ่เมิน มีเรื่องอื้อฉาว ลูกสาวหนีตวยป้อจาย

อุ๊ยคำเลยอยู่ คนเดียวเปลี่ยวดาย ตุ๊กใจ๋ตุ๊กก๋าย ปี้น้องบ่มี


อุ๊ยคำ..อุ๊ยคำ..อุ๊ยคำ..


อุ๊ยคำคนแก่ ท่าทางใจ๋ดี ลูกผัวบ่มี เป๋นดีเอ็นดูล้ำ

แลงนี้แดดอ่อน บ่หันอุ๊ยคำ เกยมาประจ๋ำอุ๊ยคำไปไหน

หมู่ผักบุ้งยอดซมเซาซบ บ่ไหว เป๋นจะใดไปแล้วอุ๊ยคำ


ฟ้ามืดมัวหม่น เมฆฝนครึ้มดำ

เสียงพระอ่านธรรม ขออุ๊ยคำไปดี


อุ๊ยคำ..อุ๊ยคำ..อุ๊ยคำ..


ฟังเพลง อุ๊ยคำ Click Here!

Create Date : 30 มกราคม 2548		1 comments
Last Update : 10 กุมภาพันธ์ 2548 2:08:15 น.
Counter : 509 Pageviews.
Share Tweet