มนต์แคน แก่นคูน - สาธุเด้อ
บ่ายสามโมงลงสามล้อ ก่อนเข้า กทม.
มาขอโชคเติมใจแกร่ง
กราบพ่อใหญ่อินแปง
พระศักดิ์สิทธิ์คูณคู่บ้าน
ขอพรท่านให้เบิ่งแงง
คนขายแรงเหงาใจยามไกลบ้าน
หอบความฝันไปเสี่ยงดวงสร้างความหวัง
สาธุเด้อ...จุดธูปขอแนวใจตั้ง
ให้สมดั่งอธิฐาน
ให้มีเงินมีงาน สร้างความฝัน
เป็นจริงได้
ทางไกลข้างหน้า ขอลุยฝ่าบ่ได้อาทร
มีเพียงกำปั้นแก่นหล่อน
กับกระเป๋าปอนปอนหนึ่งใบ
จำนนต่อความจนยาก
จึงจำจากแผ่นดินฮักไป
ขอพรคุ้มใจ
วอนพระเจ้าใหญ่อินแปงแงงทาง
บอกคนอยู่ทางบ้าน สักวันถ้าฝันถึงฝั่ง
สิกลับมาอยู่เคียงข้าง
สานเส้นทางให้เป็นดังใจ
(ลำ) จุดธูปไหว้ถวายดอกบัวคู่
ลูกบ่อยู่ฝากไท้เบิ่งแงงให้สู่ทาง
บ้านฮ้างฮ้างพ่อกับแม่คงเหงา
ห่วงผู้สาวคนดีย่านเพิ่นมีคนเกี้ยว
ทางเทียวบีบให้ไกลกัน
แต่ทางฝันนั้นยังเด็ดเดี่ยว
ใจงามคือดอกคูณบาน
ความฮักนั้นคือจั่งปั้นข้าวเหนียว
สู่จุดหมายกับหัวใจเพียวเพียว
ใจมั่นเหนียวต่อทุกคำสัญญา
จะกลับมามื้อสมโภชน์วิหาร
มาร่วมงานคืนเพ็ญเดือนห้า
จะพาคนที่ลูกฝากใจ
มาให้พระเจ้าใหญ่เห็นหน้า
ขอทุกอย่างเป็นดั่งปรารถนา
ได้ดีกลับมาคงหาวันแต่งเจอ
(ลำ) สาธุเด้อ สาธุเด้อพ่อใหญ่
ส่อยแปงทางย่างให้ ยามไกลบ้านสู่เมือง
บูชากระเบื้องมุงหลังคาวิหารใหม่
เขียนชื่อไว้คู่หวานใจด้านหลัง อธิฐาน
ดังดัง สมหวังเด้อ
ผู้ติดตามบล็อก : 5 คน [
