All Blog
ตอนที่ 39 อาหารใต้ เมนูที่ 2 แกงส้มชะอมกุ้งสะตอ 28-10-59






ตอนที่ 39

อาหารใต้ เมนูที่ 2

แกงส้มชะอมกุ้งสะตอ







เพิ้นบอกว่าคันสิแกงแบบคนใต้แท้ๆ ต้องใช้สะตอขูดเปลือกแกง

 แต่ว่าบักอ้ายเอาสะตอแกะแล้ว

เพราะว่าคนท่ากินอยู่เพิ้นบอกว่าขี้คร้านแกะพะนะ






เอ้า บัดนี้ มาเบิ่งเครื่องปรุงทั้งหมดโลด มีรายนามตามนี้

กุ้ง 50 บาท เลือกเอาขนาดพอดีๆ

เครื่องแกงส้มปักษ์ใต้(ของฟรีครับพี่น้อง)

 ย้ำเด้อ เครื่องแกงส้มจากปักษ์ใต้แท้ๆ บ่จั่งสั้นมันบ่แซ่บ  

สะตอ ของฝากคือกันบ่ได้ซื้อ

ปลาทูต้มโตหนึ่ง 20 บาท ปลาทูเดี๋ยวนี้มันแพงๆเนาะ

 ตอนบักอ้ายเป็นเด็กน้อย เข่งล่ะ 5 บาทหนึ่งแมะ

บักขามเปียก  5 บาท

น้ำปลา

น้ำตาลปี๊บ

บักมะนาวหน่วยเดียว บาทหนึ่ง

ผักขา(ชะอม) กำหนึ่ง
แม่ใหญ่นวลไปเก็บมาให้อีกแล้วกะเลยบ่ได้ซื้อ

ไข่ไก่ 3 หน่วย 15 บาท
บักอ้ายใช่หน่วยใหญ่สุดโลด เรื่องอีหยังสิใช้หน่วยน้อยๆ











หมดแล้วเครื่องปรุง รวมๆแล้ว

 เมนูแกงส้มชะอมทอดของบักอ้ายกะตกอยู่ 96 บาท

รวมค่าเครื่องปรุงอีกจัก 4 บาทเนาะ
ท้อกับว่า ราคา 100 หนึ่งพอดิบพอดี ถูกคักถูกแน่














มาลงมือเฮ็ดกันโลด ขยับเข้ามาใกล้ๆ

โอ้มาเถิดหนา กระไรแม่มา
โอ้มาเถิดหนากระไรแม่มา
เร็วเร็วอย่าช้า
เลยนะแม่หน้านวลใย
คนไหนถ้านึกสนุกลุกขึ้นขยับ
ขยับ ขยับขยับขยับเข้ามาไวไว

พุ่นแล้ว เฮ็ดแนงกินปักษ์ใต่ไป กะฮ้องเพลงอ้ายเอกชัยไป

มันจั่งแม่น(ช่าง)เข้ากันคัก

ร้องเพลงไปกะเอาปลาทูมาแกะเอาแต่เนื้อไปนำโลด

 ประหยัดเวลา เพิ่นว่า เวลาบ่เคยคอยไผ๋ พะนะ




ระวังก้างมันน้ำเด้อ

แกะแล้วกะใส่ลงไปพร้อมกับกะปิโขลกผสมรวม

นำกันกับพริกแกงใต้ของเฮา

อย่าลืมเด้อ พริกแกง 2 กะปิ 1 ท่องจำเอาไว้โลด






แล้วๆกะสิได้เครื่องแกงหน้าตาจั่งซี้

(เอ้า ห่าคั่วเมิงเอ้ย ลืมถ่ายรูปไว้ ขอโทษขออภัยหลายๆพี่น้อง )







แล้วๆกะเอาไข่กับผักขาไปทอดเตรียมเอาไว้

 ทอดแล้วกะค่อยเอมาหั่นเป็นชิ้นๆจั่งซี่ล่ะ









เอากุ้งมาแกะ






แล้วๆเอาใส่น้ำในหม้อ ต้มให้เดือด

แล้วจั่งเทเคื่องแกงส้มปักษ์ใต้ลงไปในหม้อ

ละลายเครื่องแกงด้วยน้ำให้เป็นเนื้อเดียวกัน

.ใส่สะตอก่อนเพราะว่ามันสุกช้ากว่าหมู่

แล้วๆจั่ง ปรุงรสเปรี้ยวจากน้ำบักขามเปียกที่เฮาเตรียมเอาไว้

เติมน้ำปลา น้ำตาลปี๊ป ชิมเบิ่ง เอาตามมักโลด

มักแบบได๋กะปรุงแบบนั้น

เฮ็ดแนวกินมันบ่ได้มีสูตรตายโตดอก

แล้วๆกะใส่กุ้งลงไปในหม้อแกง

ใส่ไข่ทอดผักขาทอดที่หั่นชิ้นเตรียมเอาไว้ลงไป










เริ่มหอมแล้วเด้อปาดที่นี่ ป้าด++น้ำลายบักอ้ายแตกพรากๆ

หลังจากนั้นกะปล่อยให้มันเดือดอีกเที่ย

 แล้วจั่งยกหม้อลงมาจากเตา










แล้วๆครับพ่อแม่พี่น้อง....แกงส้มชะอม(ผักขา)กุ้งสะตอ

น้ำแกงข้นๆ หอมสะตอหลายๆ






หรอยจังฮู้ (บักอ้ายเว้าใต้กะได้คือกันเด้)

เมื่อนี้เฮาสิตั้งโต๊ะ กินกับข้าวเจ้าแม้

ฮ่าเที่ยว่าดั้งมันสิโด่งขึ้นมาอีกจักน้อย




จัดผักมากินแนมนำเด้อ มันเผ็ด










สุดท้ายนี้บักอ้ายกะขอจบการรีวิวไว้ท่อนี้

มื้อหน้าฟ้าใหม่สิมารีวิวให้เบิ่งอีก

ผิดตกกะขออภัย ผิดใจกะขอโทษไว้หม่องนี้หล้า

หวังว่ารีวิวเที่ยนี้สิเฮ็ดให้ม่วนชื่นกันทุกผู้ทุกคน

สวัสดีครับ



Create Date : 28 ตุลาคม 2559
Last Update : 30 ตุลาคม 2559 6:45:27 น.
Counter : 294 Pageviews.

0 comments
ชื่อ :
Comment :
 *ใช้ code html ตกแต่งข้อความได้เฉพาะสมาชิก
 
ยืนยันรหัสความปลอดภัย :
(กรอกตัวเลขที่ปรากฎในภาพ)

BlogGang Popular Award#13



บักอ้าย
Location :
  

[ดู Profile ทั้งหมด]
ให้ทิปเจ้าของ Blog [?]
 ฝากข้อความหลังไมค์
 Rss Feed
 Smember
 ผู้ติดตามบล็อก : 23 คน [?]



ทานมังสวิรัติถึงแม้มันจะเป็นเรื่องยาก
ถ้าหากเราตั้งใจ ผมทำได้ คุณก็ทำได้
ผมอยากเป็นแรงบันดาลใจให้คุณ
เชพฆฤณ