สวัสดีค่ะพี่น้องชุมชนพันทิป และ ชาว Bloggang มื่อนี้ข่อยสิมารีวิวผลิตภัณฑ์ซักผ้าของดาวน์นี่ หรือเอิ้นง่ายๆ กะคือ ผงซักฟอกดาวน์นี่นั่นล่ะ แต่กี้ฮู้จักดาวน์นี่แต่น้ำยาปรับผ้านุ่ม เดี๋ยวนี่เพิ่นมีผลิตภัณฑ์ซักผ้าหรือผงซักฟอกแล้วเด้อ
แต่นแต๊น!!!!!

มีสองกลิ่นนำกันกะคือ กลิ่นสปาร์คกลิ้ง แพชชั่น (สีส้ม) และกลิ่นชิมเมอริ่งมิสทีค (สีฟ้า)
กลิ่นที่ข่อยสิมารีวิวมื่อนี่กะคือสีส้มค่ะ กลิ่นสปาร์คกลิ้ง แพชชั่น

นี่คือ....หน้าตาของผลิตภัณฑ์ซักผ้าดาวน์นี่ แพคเกจทรงสี่เหลี่ยมสวยใช้ได้เลย สีสัน ลวดลายกะดึงดูดสายตา

มาสำรวจกันเนอะ

ด้านซ้ายขวา น้าหลัง แม้กระทั่งก้นถุง มีบอกข้อมูลเกี่ยวกับผลิตภัณฑ์ วิธีการใช้ ปริมาณการใช้ คำเตือน 

วิธีเก็บรักษา เบิ่งเด้อๆ...ด้านบนสิมีแถบกาว ลอกแถบกาวออกแล้วพับด้านบนถุงลงมา กะสิได้ตามฮูป สามารถป้องกันฝุ่น กันแมลง กันน้ำเข้าจ้า


มาเปิดถุงกันค่ะ ดูซิว่าข้างในเป็นยังไง

พอดึงแถบกาวออกก็ได้กลิ่นหอมลอยออกมา อดใจบ่ไหวแล้ว อยากเห็น คะซั่นกะกีกโลดเป็นหยัง (เสียงดังควกกก) 

ป๊าดดดด

ป๊าดดดดด (อีกเทื่อ) เปิดถุงปุ๊บกลิ่นนี่หอมฟุ้งเลยเชียว บ่ต้องก้มไปดมเด้อค่ะ แค่นั่งให้กลิ่นลอยเข้าโพรงจมูกก็หอมคักแล้ว
มีซ้อนตักแถมมาในถุงนำค่ะพี่น้อง


ตักออกมาโชว์เลย เต็มซ้อนจู๊นนนนพูน

จู๊นพูน/จู่นพูนคือหยัง สิให้แปลอยู่เบาะ บ่ต้องดอกเนอะ เดาเอา! เบิ่งลักษณะแล้วเดาเอาพี่น้อง


ผลิตภัณฑ์ซักผ้าดาวน์นี่ มีโพลิเมอร์และเอนไซม์พิเศษที่ช่วยเพิ่มพลังในการขจัดคราบที่ฝังลึกให้หลุดจากผ้าได้อย่างง่ายดาย และมีไวท์เนสบูสเตอร์ที่ช่วยให้ผ้าขาวสะอาดเปล่งประกาย ซึ่งเป็นนวัตกรรมใหม่ล่าสุดที่อยู่ในผลิตภัณฑ์ซักผ้าดาวน์นี่จ้า และนอกจากความสะอาดแล้วยังหอมยาวนานถึง 3 สัปดาห์เลยทีเดียว แต่จะหอมยาวนานถึง 3 สัปดาห์บ่นั่น ข่อยบ่ค่อยสนทอได๋ เพราะสิ่งที่ต้องการคือความสะอาดค่ะ 


วันนี้ข่อยเลยสิมาลองสาธุ โอ๊ะ! สาธิตให้เบิ่ง ทั้งเหมิดนี่เสื้อผ้าทำงานของชาวไร่ชาวสวน ขอบอกเลยว่ามันสกปรกมากกกก เหม็นพร้อมเพราะเจอทั้งเหงื่อ ทั้งดินโคลน คราบน้ำมัน บางทีมีคราบยางไม้เหนียวๆ และอีกคราบจิปาถะ แนมเบิ่งกะคงสิเห็นล่ะนอว่าสกปรกอีหลี 

***เสื้อผ้าที่ใส่ทำงานที่ซักนี้มีทั้งหมด 12 ชิ้น เด้อ ข่อยใช้ผลิตภัณฑ์ซักผ้าครึ่งช้อนตวง จับลงเครื่องซักฝาบนที่ผ่านการใช้งานมากว่าสิบปี เดี๋ยวมาเบิ่งนำกันว่าสิซักออกง่ายตามที่เพิ่นว่าบ่


เห็นความสะอาดหลังจากซักเสร็จแล้ว ข่อยให้ผ่านค่ะ คราบยางไม้ คราบเหงื่อไคลที่ฝังลึกสะสมมาโดน แม้ไม่ออกเบิดแต่เบิ่งด้วยตาแล้วเห็นเลยว่ามันจางลงอีหลี ส่วนคราบที่เป็นขี้ดินขี้ตม และน้ำหวานหรือกาแฟหลุดออกเบิด กลิ่นหอมใช้ได้แม้ยังบ่ใช้น้ำยาปรับผ้านุ่ม 
*** ที่บ่ใช้ย่อนเสื้อผ้าทำงานสิหอมเกินไป บางคนถามว่ามันไม่ดีบ้อ มันก็ดีอยู่หอมๆ ที่จริงข่อยกะมักแต่มักเฉพาะเวลาทำงานในร่ม เหงื่อไม่ออกหลาย แต่ใช้กับชุดทำงานที่ต้องตากแดดเกือบเบิดมื่อ เจอเหงื่อแล้วฮู้สึกว่ามันหอมโพดจนขิว อีกอย่างกะคือมันบ่คุ้ม 555 ใส่มื่อสองมื่อกะซัก ถ้าใช้ทั้งผงซักฟอกที่ให้กลิ่นหอมและน้ำยาปรับผ้านุ่มพร้อมกัน...มันเปลือง!


มา...ข่อยสิพาไปทำงาน เบิ่งข้าวในนา ปลาบ่มีดอกน้ำบกเหมิดแล้ว ยังแต่สิเกี่ยวท่อนั่น ถ้าราคาข้าวขึ้นอีกก่อน นี่ล่ะชุดชาวไร่ชาวนาของแท้และแน่นอน ต้องห่อเหมิด บ่ได้ย่านดำดอกแต่ย่านแดดฮ่อน เพราะว่าออกงานภาคบ่าย แดดฮ่อนหลายพี่น้อง ปานว่าสิย่างกันกะบ่ปาน ขนาดมีลมหนาววอยๆ มาละเด้นี่ 

กว่าจะเสร็จงาน เข้าบ้าน กะตะเว็นตก บ่ต้องถามเรื่องเหงื่อ มีแท้แน่นอน แต่เสื้อผ้ากะยังหอมคือเก่า ใส่ได้อีกมื่อหนึ่งก่อนสิซัก ไม่ได้ซกมกหรือสกปรกเด้อพี่น้องแต่มันเปลืองแฟบ เอาตากลมกะยังใช้ได้อยู่ ยังหอมอยู่ ยกเว้นมื่อได๋ที่ไปลุยโคลน แบบนั่นน่ะต้องซักทันทีจ้า


ลองซักมือเบิ่ง เสื้อขาวที่มาคราบกาแฟ กับลิปสติก เนื้อครีมกับเนื้อแมท (แน่นอนล่ะ ไผเคยใช้เนื้อแมทคงสิฮู้ว่าติดคักติดแหน่ เช็ดน้ำยาล้างเครื่องสำอางสองรอบกะยังติด ข่อยเอามาต่วยเสื้อขาว 555 ยากสิไห้ เพราะว่าเนื้อลิปสติกมันคล้ายๆ สีทาบ้านเลยทีเดียว 
การทดลองนี่ข่อยใส่แฟบ (บ้านข่อยเอิ้นผงซักฟอกทุกชนิดว่าแฟบเด้อ) ขอดช้อน (0.5/4 ส่วน) ต่อน้ำท่วมหลังมือ 
วิธีใช้กะปกติคือบ้านคือเมืองเพิ่นนั่นล่ะ ในน้ำแล้วตีให้เกิดฟอง เอาเสื้อที่จะซักลงใส่น้ำแฟบ จุ่มๆ ให้เปียก (ละเอียดไปบ่) หลังจากจุ่มเสื้อลงในน้ำ เห็นชัดเลยว่าคราบกาแฟละลายแหน่ 
ทีนี่ข่อยกะเอามือถูกหม่องคราบ ถูค่อยๆ บ่ถึง 3 นาทีดีดอก คราบกาแฟหายเบิดเลย ส่วนลิปสติปเนื้อครีมทรงคือสิหลุดแหน่จักหน่อย แต่ว่าลิปสติกเนื้อแมทนี่ติดทน แถมเริ่มเลอะค่าพี่น้อง 
ทีนี่กะลองขยี้แฮงๆ กะบ่ถึง 5 นาที ลิปสติกเนื้อครีมหลุดออกเกือบเบิด แต่เนื้อแมทนี่ตี๊... เลอะคักกว่าเก่า น้ำตาสิไหล หมู่เจ้าคิดว่าข่อยสิเฮ็ดแนวได๋ต่อไป
: เจ้าคิดคือข่อยบ่ละบีหนึ่ง
: เอ้อ! ข่อยกะคิดคือเจ้านั่นล่ะบีสอง
เฮามาลองแช่เอาไว้จัก 30 นาทีเบิ่งดู๊
ข่อยกะเลยแช่ผ้าที่ยังเปื้อนลิปสติกไปประมาณ 30 นาที กะกลับมาขยี้ คราวนี้ปรากฏว่า...
ลิปสติกเนื้อครีมหลุดออกเบิด บ่ต้องใช้แฮงหลาย

แต่!!! เนื้อแมทกะยังคงอยู่ ถึงสิจางไปแหน่แต่กะยังอยู่ สรุปว่าบ่ออก 5555+ 
ขั่นเว้าได้เนื้อแมทกะคงสิบอกว่า บ่ไป สิไล่จั่งได๋ข่อยกะบ่ไปแมะ สิหน้าด้านอยู่ต่อ มีปัญหาหยังบ่ ขั่นมีกะมา 
ข่อยกะเลยบอกไปว่า ถ่าเบิ่งครั้งหน้าสิได้เห็นกัน เพราะเห็นจากฮอยที่หลงเหลืออยู่แล้ว ครั้งหน้าหายเกลี้ยงแท้ๆ ล่ะ แต่ยังบ่ออกกะกลายเป็นพรมเซ็ดเท้าซั่นตั๊วะ



หลังจากรบกับคราบลิปสติกมาเมื่อยแล้ว กะมาลองอีกตั้งกับเสื้อผ้า และผ้าขนหนูอีกกองหนึ่ง

เป็นเสื้อผ้าที่ใส่ปกติ กองนี้ข่อยใช้ผลิตภัณฑ์ซักผ้าครึ่งช้อนตวง และใช้น้ำยาปรับผ้านุ่มดาวน์นี่กลิ่นแพสชั่น
ครั้งนี่สบายมือย่อนจับลงเครื่อง ข่อยแค่รอเวลาจับขึ้นมาตากแดด แล้วผลที่ได้กะคือความสะอาด ความหอม แบบหอมคักขนาด เสื้อผ้ากะนุ่มเป็นตะใส่คือหยังนี่ตั๊วะ (เว้าอีหลีเด้นิ บ่ได้ย่องเกินจริง) 


และนี่...ผ้านวม 5 ฟุต 

ความนุ่มมีหนักมาก ความหอมบ่ต้องเว้าถึง และซักได้สะอาดดี บ่มีกลิ่นอับ
ซักเอาไว้ต้อนรับหน้าหนาว หวังว่าคงสิได้ใช้ เพราะเบิ่งแล้วมีแววมาก แถวบ้านข่อยลมหนาวเริ่มพัดมาละเด้อ แถมลมแฮงพร้อม


ความสะอาด     ข่อยให้ 9/10    (หัก 1 คะแนนเพราะคราบหนักต้องแช่ ถึงจะยอมหลุด)
ความหอม ข่อยให้    8.5 /10    (อันนี้คือที่ไม่ใช่น้ำยาปรับผ้านุ่มนะ เพราะยังได้กลิ่นแบบแบบซักซอกทั่วไปอยู่ กลิ่นหอมของดอกไม้และน้ำหอมที่ว่าจางมาก)
ใช้ร่วมกับน้ำยาปรับผ้านุ่ม     ข่อยให้เลย 10/10 เพราะหอมมาก หอมแฮง หอมอีหลีอีหลอ


นั่นแหละพี่น้อง ทั้งหมดทั้งมวลที่ว่ามา ข่อยพอใจ แต่เจ้าสิพอใจคือข่อยบ่ก็ต้องลองพิสูจน์เบิ่งเด้อ 
มื่อนี้ขอลาเพียงเท่านี้เด้อ ถ้ามีอีหยังดีๆ โอกาสหน้าข่อยสิมาเว้าสู่ฟังใหม่จ้า

สวัสดี