อารมณ์วันนี้น่าจะดีนะ อัพหลายบล็อค

กำลังเพิ่งหัดปลูกต้นแคร์ครับ หว่านพืชอยู่

อิอิ..เพิ่งจะว่างอ่ะค่ะ noom_no1 ขอบคุณที่ยังไม่ลืมกันนะค่ะ

ย้อนว่าคิดฮอดบ้าน............จึ่งมาอ่านคำผญา
ย้อนคิดเถิงหวานตา..... .....จึ่งฝากกลอนมาเว่า
ย้อนคนิงนำเจ้า.................จึ่งกดสาย กริ๊งกริ่งๆๆๆๆๆๆๆๆๆ
ย่านบ่จริง...จริงบ่ย่าน.........คือเจ้าเล่ามา

คำว่ารอคอยถ้า................รอพี่หรือรอไผ
หวานหูดูใสใส..................หวั่นใจย่านมันเปรี้ยว
ย่านนางมีหลายเลี้ยว........หลายทางเทียวไต่
ทังอยู่ไกลอยู่ใกล้.............สำรองไว้บ่หว่างวัน

ย่านน้องมีหลายชั้น...........คือสวมใส่ภูษา
ย่านน้องมีพันตา..............เหล่ชายหลายชู้
ย่านได้นอนขดคู้..............มัวหมองยามน้องเบื่อ
หลงเชื่อลมลิ้นเจ้า............ย่านเมาค้างบ่สร่างซา

เดือนเพ็ญ เห็นสว่างฟ้า....งามสง่าแสนไกล
คันออกไปจับกบ..............ย่านบ่ปานกะบองกิ้น
ย่านแต่ฅนเฮือนใกล้........ ได้ครองใจทังครองคู่
อ้ายผู้อยู่ฟากฟ้า..............ได้เลียลิ้นเปล่าดาย...นางเอย

สิบบาทอยู่ฟากน้ำ...........บ่เคยคิดคนิงหา
สองสลึงมามือ................พี่จิถือเอาไว้
พี่มีดวงเดือนใกล้............ใสสกาวพราวเด่น
บ่เห็นดาวฮุ่งเหลื้อม........ใสแจ้งหลื่นเกิน

สิบสาวมาออดเอิ้น...........บ่เคยคิดนำสาว
ซาวสตรีสวยเอ๊าะ.............บ่เทียบหวานใจอ้าย
งามกะงามแพรฝ้าย...........แต่แพรไหมงามกว่า
เลิศค่าเกินกล่าวอ้าง.........บ่วางน้องให้อยู่เดียว

หากบุญฮอดยอดเกี้ยว.......นางเป็นบวกตมโคลน
อ้ายจิขอเป็นควาย.............เกือกนอนแลงเช้า
เป็นคือเงาบ่แฮมฮ้าง.........เป็นหนทางให้เทียวท่อง
lingerie แนบน้อง..............เนียนเนื้อนุ่มนวล

นางเป็นควนพี่เป็นช้าง.......บ่ให้ห่างไปไส
ไกลกะไกลเพียงกาย..........ฝั่งทะเลขวางกั้น
บ่เคยมายหมายมั่น.............นวลจันทร์แก้มแป่นแหว่น
ชู้กะแหม่นแฟนกะเจ้า..........หวังเอิ้นแม่บักหำ..นางเอยยยย