All Blog
ตอนที่ 49 อาหารภาคกลาง เมนูที่ 5 ต้มขาไก่ซุปเปอร์ 11-11-59


ตอนที่ 49 อาหารภาคกลาง

เมนูที่ 5 ต้มขาไก่ซุปเปอร์




ชวนมากิน “ตีน” ครับ

ได้ยินบ่ผิดดอก บักอ้ายชวนมากิน ตีน อีหลี

แต่ว่าตีนที่หมายถึงคือ ตีนไก่

หรือที่สิเอิ้นให้มันสุภาพว่า ขาไก่ นั่นเอง



“อโรคยา ปรมาลาภา” ความบ่มีโรค เป็นลาภอันประเสริฐเด้

หายหน้าหายตาไปหลายมื้อ บักอ้ายก็บ่ได้หลายไปได๋ดอก

บ่ค่อยสบาย เจ็บกระดูกสันหลัง ช่วงนี้กะเดี๋ยวป่วยเป็นนั้นเป็นนี้

กะเลยอยากสิบอกว่าคนเฮาคันบ่เจ็บบ่ไข้นั่นแม่นดีที่สุดแล้ว


นอกจากสิเฮ็ดให้ร่างกายแข็งแรงแล้ว ยังต้องรักษาจิตใจให้แข็งแรงนำพร้อม

เกิดเป็นคนมันกะต้องมีความเหงา ความอ้างว้างตามมาเป็นของธรรมดา

ในความรู้สึกของบักอ้ายเองความเหงาบ่รุนแรงท่อความอ้างว้างเด้

ท่าเกิดความอ้างว้างขึ้นมาเหลียวไปทางได๋ กะทุกข์กะโศกไปหมดแม้

มีคนเคยบอกเอาไว้ว่า “แค่เหงากะอันตรายท่อเฮาสูบยา15มวนต่อมื้อหนึ่ง”

คันมันเป็นตาย่านขนาดนั้นกะอย่าไปเหงามันเถาะเนาะ เฮ็ดหัวใจเฮาให้มันมั่นคง

เข้มแข็ง ฮู้ให้ทันความรู้สึกเจ้าของ กะพอสิส่อยฆ่าความรู้สึกพวกนั้นไปได้คือกัน

คันใจแข็งแรงแล้ว ร่างกายกะสิได้แข็งแรงคือกัน

(บอกไผ๋น้อ บักอ้าย เว้ามาตั้งหลายตั้งหลวง ที่แท้กะกำลังบอกเจ้าของแม่นบ่)




ในตอนนี้บักอ้ายกะสินำเสนอเมนู ขาไก่ซุปเปอร์ หลายคนคงเคยได้ยินเนาะว่าขาไก่มี

คอลลาเจนหล๊ายหลาย กินแล้วสิว่าเฒ่าบ่แก่ หน้าเด้งปานเด็กน้อย อีหลีแล้วมันสิ

ขนาดได๋หรือว่าสิเป็นแค่คำส่า กะลองเบิ่งกันเอาเองโลด



ส่วนผสมและเครื่องปรุงทั้งหมด
ตีนไก่ 1 กิโลกรัม
น้ำเปล่า 3.5 ลิตร
ซีอิ๊วขาว  3 ช้อนโต๊ะ
น้ำปลา 1 ช้อนโต๊ะ
ซอสหอยนางรม 2 ช้อนโต๊ะ
ซีอิ๊วดำหวาน 1 ช้อนโต๊ะ  
เกลือป่น  2 ช้อนโต๊ะ
น้ำตาลทราย 2 ช้อนโต๊ะ
น้ำบักขามเปียก 2 ช้อนโต๊ะ
น้ำมะนาว
พริกขี้หนูสวน บักอ้ายหาบ่ได้ เลยใส่พริกแดงแทน
ผักชีไทย
ชุดตำยำ ข่า ตะไคร้ ใบบักกรูด










วิธีเฮ็ดตามนี้

อย่างแรก กะมาจัดการกับตีนไก่กันก่อน ตัดเล็บมันออก

และพอตัดเรียบร้อยแล้ว ก็ให้เฮานำตีนไก่ไปล้างให้สะอาด ล้างหลายๆน้ำ

จนพวกลิ่มเลือดออกหมดเกลี้ยง กะเอาขึ้นพักเอาไว้




เอาบักนาวมาผ่า คั้นน้ำเอาไว้

ชุดตำยำล้างแล้วกะเอามาหั่นพร้อม





ระหว่างนั้นก็เอาน้ำใส่ชามใบใหญ่ แล้วเอาไปตั้งไฟ พอน้ำเดือดก็ค่อย ๆ

ใส่ตีนไก่ของเราลงไปเลย ต้มเอาไปจักครึ่งชั่วโมง

แล้วเอาตีนไก่ลงมาล้างน้ำเย็นให้สะอาดอีกเทื่อหนึ่ง ล้างแล้วกะพักเอาไว้ก่อน






ตั้งน้ำเปล่าใหม่อีกรอบ แล้วกะท่าจนน้ำเดือดคือเก่า เอาเครื่องต้มยำ

ที่เฮาเตรียมไว้ใส่ลงไปตามด้วยตีนไก่ที่เฮาต้มแล้วใส่ลงไปคือกัน

หากยังมีฟองกะตักออกให้หมด

แล้วค่อยปรุงด้วยเครื่องปรุงตามสูตรทั้งหมด แล้วต้มตีนไก่ไปเรื่อยๆ









เป็นเวลาประมาณ 1 ชม. ครับผม แล้วจั่งตักเครื่องต้มยำออกให้หมด

เฮาก็จะได้ต้มซุปเปอร์ออกมาหน้าตาประมาณในรูปด้านล่างนี้ล่ะ







และเมื่อถึงเวลาเสริฟ ... ก็ไม่มีอะไรยุ่งยากดอกค่าคุณขา

แค่เอาบักพริกมาใส่ครกตำ น้อยหลายแล้วแต่มัก ตำแล้วกะตักใส่ถ้วย

  ใส่น้ำมะนาวคั้นสดๆลงไป   เติมน้ำปลาอีกจักหน่อยให้มันหอม  

แล้วกะค่อยตักต้มซุปเปอร์ใส่ลงในถ้วย คนพอเข้ากัน เอาผักชีโฮยหน้า










ได้แล้วขาไก่หรือว่าตีนไก่ซุปเปอร์รสชาติแซ่บถึกปากราคาถึกใจ

กินแกล้มกับเบียร์ ป้าด!! บ่อยากเว้า








Create Date : 11 พฤศจิกายน 2559
Last Update : 11 พฤศจิกายน 2559 13:01:57 น.
Counter : 983 Pageviews.

2 comment
ตอนที่ 48 อาหารอีสาน เมนูที่ 38 ปิ้งไก่ คึกคัก 4-11-59










ตอนที่ 48 อาหารอีสาน

เมนูที่ 38 ปิ้งไก่ คึกคัก






ท้ายวัดมะหวึ่ง
ได้กินแล้วจะต้องทึ่ง
รสชาติเป็นหนึ่ง ในสยาม
ผู้คนล้นหลาม ราคาไม่แพง
มาซิมาซิ มาช่วย กันกินปิ้งไก่
(ขอบคุณเพลง แก้วปิ้งไก่ เด้อครับ)





สวัดดีครับพ่อแม่พี่น้อง สำหรับตอนนี้บักอ้ายเอา เมนู “ปิ้งไก่คึกคัก”

มาฝาก เป็นหยังต้องให้ชื่อว่า “ปิ้งไก่คึกคัก” แม่นบ่ กะย่อนว่าหมักไก่

ด้วยกระชาย เฮากะฮู้ๆกันอยู่เนาะว่ากระชายมีสรรพคุณทางยา

โดดเด่นรายวันเรื่องอีหยัง




บักอ้ายกะเลยขอแนะนำให้กินเมนู “ปิ้งไก่คึกคัก”

เป็นแนวกินแลงเนาะครับ พอกินอิ่มแล้ว กะสิได้เปิดมุ้งเข้าไปนอนกันโลด

ส่วนสิเข้าไปเฮ็ดอีหยังกะแล้วแต่โลด

(เหอ ๆ ๆ ในหัวบักอันนี่มีแต่เรื่องลามกเนาะสู)



มาเบิ่งส่วนผสมหลักกันก่อนเด้
สะโพกไก่ 2






บัดนี้กัมาฮอดส่วนผสมของเครื่องหมัก
หอมแดง 5 หัว
กระชายประมาณ ขีดหนึ่ง
พริกไทย 1 ช้อนโต๊ะ
เกลือ 1 ช้อนชา






ส่วนเครื่องปรุงกะมีแค่ 2 อย่าง
คือน้ำมันหอย 3 ช้อนโต๊ะ
กับน้ำตาล ครึ่งช้อนโต๊ะ






ลงมือเฮ็ดนำกันโลด บัดนี้

เอาไก่ไปล้างน้ำให้สะอาดก่อน

เอา ส่อม มาจิ่มๆไก่ให้มันเป็นฮู

เวลาหมัก เครื่องมันสิได้เข้าเนื้อ





บัดนี้กะเอากะชายกับหัวหอมซอย (เอ้า++บักอันนี่ ลืมถ่ายรูปอีกแล้วแม้)

ซอยแล้ว กะเอาเครื่องมาปั่นรวมกับพริกไทย กับเกลือ ซั่มนี้กะแล้วๆ ง่ายๆ

ที่บ่ใส่ครกตำกะบ่แม่นอีหยัง ขี้คร้านคำเดียวโดดๆ


อีหลีกะเป็นเพราะว่าบักอ้ายปวดหลังหล๊ายหลาย เฒ่าแล้วกะเป็นจั่งซี้ล่ะเนาะ

ของธรรมดา สังขารมันกะโรยราไปตามวันเวลา





เอาเครื่องเฮามาเทลงใส่ไก่ เติมน้ำตาล กับ น้ำมันหอย นวดให้ไก่มันจักหน่อย

ให้เครื่องปรุงซึมเข้าในเนื้อไก่ แล้วจั่งเอาพลาสติกมาซีนปิดปากถ้วย เอาใส่ตู้เย็นไว้จัก3 ชั่วโมง







พอฮอดยามแลง หลังจากนึ่งข้าวแล้ว กะเอาไก่ของเขามาปิ้ง

ปิ้งกับไฟอ่อนๆ จนสุกเหลือง

แค่นี้เฮากะได้เมนูปิ้งไก่ กินกับข้าวเหนียวฮ้อนแล้วเนาะครับ












กินข้าวแล้วกะลงแข่งลงขา

ลงไปหาสองขาอ้อนต้อน



Create Date : 04 พฤศจิกายน 2559
Last Update : 9 พฤศจิกายน 2559 11:11:13 น.
Counter : 1077 Pageviews.

2 comment
ตอนที่ 47 อาหารอีสาน เมนูที่ 37 ตำเปลือกบักแตงโม 3-11-59




ตอนที่ 47 อาหารอีสาน
เมนูที่ 37 ตำเปลือกบักแตงโม







ใครจะกินยกมือขึ้น?

ที่เริ่มต้นด้วยคำถามกะบ่แม่นอีหยังดอก มื้อนี้บักอ้ายสิขอนำเสนอ

เมนูแปลกอีกเมนูหนึ่ง แปลกสำหรับคนภาคอื่น แต่ว่าบักอ้ายเชื่อว่า

บ่แปลกสำหรับหมู่เฮาชาวอีสานเนาะครับ



ป้าด!!! ไปตายอดตายยากมาจากได๋ มันบ่แม่นจั่งสั่นเด้ คนอีสานเฮา

สิบ่ทิ่มของ มีอีหยังพอเฮ็ดแนวอยู่แนวกินได้ เฮาก็ต้องกิน บ่ทิ่มบ่

ขว้างดอก ผู้สาวภาคอื่นฟังเอาไว้เด้อ มีแฟนเป็นผู้บ่าวอีสาน

มันดีหลายแม้ ทั้งอด ทั้งทน ทั้งเข้ม ทั้งแข็ง เหอๆๆๆ อีกทั้งบ่มักทิ่มผู้ได๋ก่อน



เมนูตำเปลือกบักแตงโม บักอ้ายเคยกินมาแต่น้อยๆแล้วเด้ บ่ได้คึดเองดอก




เอ้า!!!มาเบิ่งส่วนผสมและวิธีเฮ็ดเมนูของชาวอีสานกันโลดเนาะ


ส่วนผสม
เปลือกบักแตงโมที่เฮากินเนื้อมันหมดแล้ว ครึ่งหน่วย
บักเขือขื่น 6 หน่วย
กระเทียม 10 กลีบ
บักพริกแห้ง 15 หน่วย
บักนาวบ่มีใน  หน่วยหนึ่ง
กะหล่ำปลีหัวใจ 1/8 หัว
กากหมูทอด







ส่วนเครื่องปรุงกะมี
เกลือเม็ด
น้ำปลา
น้ำปลาร้า
น้ำบักขามเปียก
น้ำตาลบ่ใส่เด้ บักโมมันหวานอยู่แล้วเนาะ












ส่วนวิธีเฮ็ดกะง่ายๆ

เอาบ่วงมาขูดเปลือกบักแตงโม เอาเนื้อเปลือกมัน
ขูดประมาณนี่เด้อครับ บ่ฮู้สิบอกจั่งได๋เนาะสู





เอาผักกะหล่ำปลีมาซอยเอาไว้





แล้วค่อยเอาเกลือกับบักพริกแห้ง กระเทียมตำใส่กัน

ซอยบักเขือขื่นลงไป ตามด้วยบักนาว มันสิได้บ่ดำ






จากนั้นค่อยปรุงรสชาติ เติมน้ำปลา น้ำบักขามเปียก

น้ำปลาร้า ชิมรสชาติให้ถึกใจ เติมน้ำบักนาวอีกกะได้

หลังจากนั้นค่อยเติมเส้นกะหล่ำปลี ตำต่อให้พอเข้ากัน







กะตักลงไปในเปลือกบักแตงโมนั่นล่ะ

แต่งให้มันเป็นตะแซ่บ

บักอ้ายวางบักนาวลงไป พร้อมกับโฮยกากหมูทอด

เป็นจั่งได๋เคยกินกันบ่ ตำเปลือกบักแตงโม






Create Date : 03 พฤศจิกายน 2559
Last Update : 4 พฤศจิกายน 2559 9:57:57 น.
Counter : 803 Pageviews.

1 comment
ตอนที่ 46 อาหารภาคกลาง เมนูที่ 4 ไก่นึ่งมะนาว 2-11-59




ตอนที่ 46 อาหารภาคกลาง
เมนูที่ 4 ไก่นึ่งมะนาว







นึ่งมะนาว ถือเป็นเมนูที่เรียกน้ำลายได้ดีที่สุดเมนูหนึ่ง ในบรรดาเมนูอาหาร

รสจัดจ้าน และแน่นอน เมนูนึ่งมะนาว ก็ย่อมเป็นขวัญใจของคอเหล้าด้วยเช่นเดียวกัน

แล้วคนเคยขี้เมาอย่างบักอ้ายจะพลาดได้อย่างไรเล่า

หากแต่วันนี้ขอใช้สะโพกไก่ในเป็นวัตถุดิบหลัก เหตุผลนะหรือ ง่ายแสนดาย

ก็เพราะราคามันช่างถูกแสนถูกนั่นเอง



ส่วนวัตถุดิบอื่นๆมราสามารถนำมานึ่งมะนาวได้ ก็รอให้ราคามันถูกลง

ก่อนค่อยซื้อมาทำกินก็ได้ บักอ้ายเป็นคนใจร่ม รอได้สบายมาก



หลายวันมาแล้วบรรยากาศก็อึมครึมเหลือเกิน ฝนฟ้าก็ตกไม่หลุด

ทั้งๆที่ล่วงเข้าเดือนสิบเอ็ดแล้ว มันยิ่งชวนให้จิตใจห่อเหี่ยวลงไปอีก

ยิ่งใต้ฟ้าอมรเมืองไทยกำลังปกคลุมไปด้วยความโศกเศร้าเสียใจ

กำลังใจย่อมเป็นสิ่งสำคัญเสมอ สู้ๆนะครับทุกคน


บักอ้ายเองช่วงนี้ก็เจ็บป่วยเหมือนกัน ร่างกายก็เริ่มจะไม่แข็งแรง

แต่ก็ยังพยายามจะยิ้มสู้ หากเรามัวทำตัวให้มัวหมองจิตใจก็คง

จะหมองหม่นลงไปเช่นเดียวกัน



ดังนั้นเราพยายามมองโลกให้แง่ดีเข้าไว้ หาอาหารอร่อยๆรับประทาน

ร่างกายจะได้กลับมาแข็งแรง หัวใจจะได้กลับมาเข้มแข็งอีกหน

กลับเข้ามาสู่เมนู ไก่นึ่งมะนาวของบักอ้าย เมนูที่ต้องชูหัวแม่มือให้

ในความแซ่บของรสชาติ แถมยังเป็นเมนูที่ทำง่ายที่สุดเมนูหนึ่งอีกด้วย



ส่วนผสมในการทำอาหาร
สะโพกไก่  2 ชิ้น
พริกขี้หนูหั่นฝอย 1/2 ถ้วยตวง
กระเทียมสับ 1/4 ถ้วยตวง
น้ำกระเทียมดอง 1/4 ถ้วยตวง
น้ำมะนาว 1/2 ถ้วยตวง
น้ำปลา 1/2 ถ้วยตวง
น้ำตาลทราย 1/2 ช้อนโต๊ะ









สูตรวิธีการทำไก่นึ่งมะนาว

นำสะโพกไก่กับใบมะกรูดไปล้างให้สะอาด ใช้ใบมะกรูดลองแล้วนำสะโพกไก่

ไปนึ่งประมาณ 30 นาที จนสุก ลองใช้ซ่อมจิ้มให้ทั่วๆ หากไม่มีน้ำสีแดงไหลออกมา

แสดงว่าไก่สุกได้ที่แล้ว ยกออกมาพักเอาไว้










นำกระเทียมมาสับ นำพริกสดมาหั่น ผักชีก็เช่นกัน









ผสมกระเทียม  น้ำกระเทียมดอง น้ำมะนาว น้ำปลา น้ำตาลทราย

พริกขี้หนูตามสัดส่วน คนให้ละลายเข้ากัน





นำไก่นึ่งพอสุก ราดด้วยน้ำราด ตามด้านบน นำนึ่งต่ออีก

ประมาณ 10 นาที ยกลงมา ใส่ผักชีลงไป









แล้วจึงจัดลงถ้วยหรือจานให้สวยงามพร้อมเสิร์ฟ








Create Date : 02 พฤศจิกายน 2559
Last Update : 4 พฤศจิกายน 2559 9:57:22 น.
Counter : 915 Pageviews.

1 comment
ตอนที่ 45 อาหารอีสาน เมนูที่ 36 มาม่าหน้าสายบัว 1-11-59




 ตอนที่ 45 อาหารอีสาน

เมนูที่ 36 มาม่าหน้าสายบัว





เอ๋!!!! มาม่านี่ ควรสิเป็นแนวกินคนอีสานบ่น้อ  แต่คึดๆ

แล้วกะแม่นล่ะเนาะ บักอ้ายเป็นคนอีสาน กะกินตลอด

  เอ้า++ยกให้เป็นเมนูคนอีสานกะแล้วกัน


แต่ว่าคันลวกแล้วเอามากิน มันกะสิง่ายไปเนาะ

กะเลยต้องมีลีลากันจักน้อย

บักอ้ายขอให้เมนูกิ๊บเก๋ยูเรก้า ว่า “มาม่าหน้าสายบัว”

ต้องบอกก่อนเด้อว่า สูตรนี้ บักอ้ายคึดเอง

แต่รับรองว่า อร่อย กินแล้วบ่ท้องเสียแน่ๆ


ว่าไปเนาะ คนไทยเฮากับมาม่านี่กะของคู่กัน ยามใกล้สิ้นเดือน

บักอ้ายเชื่อว่าหลายๆคนกะคงงต้องฝากท้องไว้กับ มาม่านี่ล่ะ

(นี่บ่ได้ค่าโฆษณาแต่อย่างใดเด้ บอกไว้ก่อน)

เพราะว่าราคาถูกแล้วกะอิ่มท้อง

แต่ระดับบักอ้าย บ่กินแต่มาม่าให้มันเสียอิมเมจดอก

มาม่าของบักอ้ายมันต้องระดับพรีเมี่ยมแม้

ป้าด+!!! ตอนนี้ ภาษาปะกิตมาเต็ม

เว้าผิดเว้าถึกอยาถือสาเด้อ




มาแนมเบิ่งวัตถุดิบกันโลด

(กินสองคนเด้อครับ คนละสองห่อ ย่อนบ่บ่าวบักอ้ายเพิ้นโตใหญ่
กินจุ ต้องบอกว่าบักอ้ายกินห่อเดียว เพิ้นกินสามห่อ จั่งสิถึกเนาะ)

มาม่าหมูสับ 4 ห่อ
ปูอัด 250 กรัม
ไข่ไก่ 3 ฟอง
สายบัว 10 บาท เพิ้นลอกมาให้แล้ว
ต้นหอม กำหนึ่ง
กระเทียมจีน 10 กลีบ







ส่วนผสมของน้ำซุป

หอมหัวใหญ่ หัวหนึ่ง
เต้าหู้ยี้ ก้อนเดียว
รสดี รสหมู ครึ่งช้อนโต๊ะ
เกลือก้อน  ครึ่งช้อนโต๊ะ
น้ำตาลบักพร้าว ช้อนชาหนึ่ง
สายบัว ประมาณ 20 ชิ้น
เครื่องในซองมาม่า
น้ำเปล่า







มาเบิ่งวิธีเฮ็ดกัน

เริ่มจากเอาต้นหอมมาหั่นเอาไว้ หั่นประมาณนิ้วหนึ่งเด้อ

ต่อมากะเอาสายบัวมาผ่าสี่ ให้มันเป็นต่อนน้อยๆ แล้วกะแช่น้ำเอาไว้

บีบบักนาวลงไปจักหน่อย มันจะได้สีสดๆ งามๆ บ่ดำ

เอาไปแช่ตู้เย็นไว้ก่อน มันสิได้กร๊อบๆ ยามหย่ำสิได้มีเสียงดัก ก๊อปๆ แม้

อย่าลืมแบ่งเอาไว้ใส่น้ำซุปเด้





เอาหอมหัวใหญ่มาปอก เอาไปล้างแล้วหั่นครึ่ง

ตั้งน้ำ เอาหอมหัวใหญ่กับสายบัวใส่ลงไป ตามด้วยเกลือเม็ด ท่าให้เดือด







ค่อยเอารสดี เต้าหู้ยี้ แล้วกะสายบัวใส่ลงไป ตั้งเอาไว้ประมาณ ครึ่งชั่วโมง







ระหว่างกะเอาปูอัดออกมาวางให้น้ำแข็งมันละลาย

มาตีไข่ท่า ตีแล้วกะเอาไปทอด แล้วกะเอามาหั่นเป็นเส้นๆ เตรียมเอาไว้








พอปูอัดละลายกะเอามาหั่นเป็นเส้นๆเตรียมเอาไว้คือกัน






ส่วนกระเทียมกะปอกแล้วกะเอามาหั่นเป็นแว่นๆ

กระเทียมสดนี่ ดีหล๊ายหลาย พยายามกินเด้อ






กลับมาที่น้ำซุป พอครบกำหนดเวลา ยกลงมาจากเตา ตักเครื่องทุกอย่างออก

กะสิได้น้ำซุปใสๆ

เอาเครื่องมาม่าเติมลงไป ยกไปตั้งไฟอีกเทื่อหนึ่ง

ให้ทุกอย่างละลายเข้ากัน แค่นี้ เฮากะสิได้น้ำซุปอร่อยเริ่ดแล้วล่ะ







มาต่อที่มาม่า เอาออกจากซอง แล้วเอาไปลวกน้ำเตรียมไว้

ลวกให้เส้นยังแข็งอยู่เด้อ อย่าพึ่งให้เส้นมาม่าอืดก่อน










เสร็จแล้วกะเอามาจัดใส่ถ้วย จัดไข่ซอย ปูอัด ต้นหอมหั่น

แล้วกะกระเทียมซอย วางลงไป ค่อยเทน้ำซุปตาม









  สายบัววางทีหลังหมู่ มันสิได้กรอบๆ

แค่นี้เฮากะสิได้มาม่าหน้าสายบัว

ได้ความนุ่มจากเส้นมาม่า และได้ความกรอบจากสายบัว





คันบ่แซ่บบักอ้ายยอมให้ไปเตะปาก โดเรม่อน โลด (เว้าเล่นเด้อ)

เหอๆๆ ลองเบิ่งครับ มักบ่มัก มาบอกกันได้

สวัสดีครับ



Create Date : 01 พฤศจิกายน 2559
Last Update : 1 พฤศจิกายน 2559 9:41:00 น.
Counter : 518 Pageviews.

0 comment
1  2  3  4  5  6  7  8  9  10  11  12  13  14  15  16  17  18  19  20  

บักอ้าย
Location :
  

[ดู Profile ทั้งหมด]
ให้ทิปเจ้าของ Blog [?]
 ฝากข้อความหลังไมค์
 Rss Feed
 Smember
 ผู้ติดตามบล็อก : 23 คน [?]



ทานมังสวิรัติถึงแม้มันจะเป็นเรื่องยาก
ถ้าหากเราตั้งใจ ผมทำได้ คุณก็ทำได้
ผมอยากเป็นแรงบันดาลใจให้คุณ
เชพฆฤณ