All Blog
ตอนที่ 38 อาหารใต้ เมนูที่ 1 คั่วหมูสะตอ 28-10-59






ตอนที่ 38

อาหารใต้ เมนูที่ 1
V
v
v
v
v
v

คั่วหมูใส่สะตอ










(สืบเนื่องจากกระทู้เก่าก่อนมีผู้บอกว่าอ่านเสียงในฟิล์ม

ของบักอ้ายไม่เข้าใจ บัดนี้บักอ้ายจึงพัฒนาใหม่

บ่ให้มันอีสานโพด จะได้อ่านเข้าใจกันง่าย

เพราะบักอ้ายอยากสินำเสนอการทำอาหารควบคู่กับการ

เล่าเรื่องที่ม่วนๆสนุกสนานคันผิดตกกะขออภัย

 คันผิดใจกะขอโทษเด้อครับ)


มาเริ่มกันโลดเนาะ หลังจากที่หมู่สาวสวยผู้หนึ่งนำเอาสะตอ

และน้ำพริกแกงคั่ว กับน้ำพริกแกงส้ม พร้อมกะปิมาฝาก

 (ป้าดลาบปากแท้น้อ)








ฮู้กันบ่น้อครับ ว่ากับข้าวไทยที่มีรสชาติเผ็ดๆ

บ่ว่าสิเป็น แกง ต้มยำ หรือว่า น้ำพริก คนโบราณเพิ่นบอก

เอาไว้ว่ามันเฮ็ดให้คนกิน ฮู้สึกว่าเย็นตัวขึ้น

เพราะว่าอากาศบ้านเฮามันฮ้อน(ร้อน) พอกินของฮ้อนเข้าไป

เฮ็ดให้มันฮ้อนข้างใน คันข้างในฮ้อน ข้างนอกกะเลยเย็น

เพิ่นว่าจั่งสั่น(เขาว่าแบบนั้น)

บักอ้ายกะฟังเพิ่นเว้ามาอีกต่อหนึ่งเด้



วันฝนตกที่อากาศฮ้อนอบอ้าวแบบนี้ เฮามาเฮ็ดอาหารปักษ์ใต้

ที่มีรสชาติเผ็ดๆกินกะคือสิดีคือกัน เมนู คั่วหมูใส่สะตอ


เอ้า!!!! อย่าฟ้าว(รีบ)ลุกหนีไปไส่เด้อ มาๆตามมาเบิ่ง

บักอ้าย ผู้บ่าวอีสานแท้ๆนี่ล่ะ

เข้าครัวเฮ็ดแนวอยู่แนวกินของคนภาคใต้ รับรองว่าแซ่บพอๆ

กับยกปักษ์ใต้ขึ้นมาไว้เหนือกรุงเทพ

(พุ่นนะ!!!! ขี้คุยคัก บักอ้าย)



เริ่มจากไปตลาดนำกันก่อนเนาะ ไปตลาดสดใกล้ๆนี่ล่ะ

บักอ้ายเว้าหลายเทื่อแล้ว (พูดหลายครั้งแล้ว)

ว่าบักอ้ายพยายามสิอุดหนุนพ่อค้าแม่ขาย บ่อยากเข้า

โลตัส บิ๊กซี เพราะอยากให้วิถีชีวิตแบบคนไทย

ยังคงอยู่ไปโดนๆ(นานๆ)

ส่อยกันได้กะส่อยกันไปจั่งซี่ล่ะ (ช่วยกันได้ก็ช่วยกันไป)









หลังจากได้ของครบแล้วเฮามาเบิ่งกันว่ามีส่วนผสมอีหยังกันแน่

เริ่มจากเมนูคั่วหมูใส่สะตอ

หมูสามชั้น 50 บาท บ่ต้องเอามันหลายดอก
สะตอ บ่ได้ซื้อ
พริกแกงคั่วจากปักษ์ใต้ อันนี้กะบ่ได้ซื้อ
กะปิอย่างดีจากปักษ์ใต้ กะบ่ได้ซื้อคือกัน
ใบบักกูด ย่างไปเก็บเอาหลังบ้านแม่ใหญ่นวล
น้ำปลา
น้ำตาล
พริกชี้ฟ้าแดงสองหน่วย
ขอเอาจากบ้านเอื้อยข้างบ้าน กะบ่อต้องจ่ายเงินอีกคือกัน








รวมแล้วเมนูนี้
บักอ้ายจ่ายเงินไป 50บาท  บวกค่น้ำปลา น้ำตาลอีก 5บาท ท้อนั้น

ป้าด!!!นี่มันอาหารดีราคาประหยัดของแท้เลยเนาะสู










บัดนี้กะมาฮอด(มาถึง)วิธีเฮ็ดกันโลด

เอาบักพริกแกงมาตำรวมกับกะปิ

(คันบ่ฮักกันอีหลีบ่บอกเด้!! เคล็ดลับพะนะ ใช้พริกแกง2ส่วนต่อ

กะปิ1ส่วน ที่สำคัญคือ ต้องเป็นกะปีใต้ของแท้ท่อนั้นเด้)







เอาหมูสามชั้นมาหั่นเป็นต่อนพอคำ







เอาสะตอมาแกะ แล้วหั่น ล้างเอาหนอนออกให้หมด







เอาหมูสามชั้นไปรวนในกระทะ บ่ต้องใส่น้ำมันดอก

 เดี๋ยวน้ำมันมันกะออกมาเอง

แล้วๆตักขึ้นพักไว้ก่อนจากนั้นกะตามลงไป

คือน้ำพริกแกงผัดให้หอมจนข้างบ้านเอิ้น(ร้อง)ถามโลด

“บักอ้ายเอ้ย เฮ็ดหยังกินแลงน้อ คือจังหอมแท้”



หลังจากหมูเริ่มสุก กะค่อยปรุงรสด้วยน้ำปลากับน้ำตาล

 ชิมเบิ่งให้มันนัวๆ แล้วค่อยเติมน้ำเปล่านี่ล่ะ

ลงไปจักหน่อยพอ สุดท้ายกะใส่สะตอกับพริกชี้ฟ้าแดงที่เฮาหั่นไว้แล้ว


ผัดให้สะตอสุก แล้วโรยใบบักกูดลงไป แล้วๆครับ








Create Date : 28 ตุลาคม 2559
Last Update : 30 ตุลาคม 2559 6:44:27 น.
Counter : 105 Pageviews.

0 comments
ชื่อ :
Comment :
 *ใช้ code html ตกแต่งข้อความได้เฉพาะสมาชิก
 
ยืนยันรหัสความปลอดภัย :
(กรอกตัวเลขที่ปรากฎในภาพ)

บักอ้าย
Location :
  

[ดู Profile ทั้งหมด]
ให้ทิปเจ้าของ Blog [?]
 ฝากข้อความหลังไมค์
 Rss Feed
 Smember
 ผู้ติดตามบล็อก : 23 คน [?]



ทานมังสวิรัติถึงแม้มันจะเป็นเรื่องยาก
ถ้าหากเราตั้งใจ ผมทำได้ คุณก็ทำได้
ผมอยากเป็นแรงบันดาลใจให้คุณ
เชพฆฤณ