bloggang.com mainmenu search


ตอนที่ 67 อาหารอีสาน

เมนูที่  52 นึ่งไก่อีสาน






การกินการอยู่ของคนอีสานบ้านเฮา
กะคือการกินง่ายอยู่ง่ายเนาะครับ
คนภาคอื่นอาจสิมองว่าเฮาอดอยาก
กะเลยกินทุกสิ่งทุกอย่าง
แต่ว่าความจริงแล้ว อีสานอุดมสมบูรณ์หลาย
เฮากะเลยเลือกกินอาหารตามฤดูกาล
ที่สามารถหาได้จากถิ่นฐานบ้านเกิดของเฮาเอง
แต่นับวันวัฒนธรรมการกินการอยู่ของอีสานบ้านเฮา
กะค่อยๆเลือนหายไปกับกระแสค่านิยม
ที่เปลี่ยนแปลงไปตามกาลเวลา
ทิ้งเอาไว้ให้เป็นแค่ความทรงจำ ที่ให้ลูกให้หลาน
ได้โหยหาอดีตกันต่อไป





มาร่วมย้อนความทรงจำไปกับบักอ้าย
กับเมนูที่สินำเสนอมื้อนี้
นึ่งไก่แบบอีสาน กินแนมกับส้มตำ
หรือว่าตำบักหุ่ง รสเด็ด กินแทนน้ำจิ้ม






หากแต่ไก่ที่สิใช้นึ่งในมื้อนี้ ขอใช้ไก่เลี้ยง บ่แม่นไก่บ้าน
เพราะไก่บ้านเนื้อแข็งเกินไป
เลือกใช้ส่วนน่องไก่ติดสะโพก เพราะรสชาติมันถูกปากถูกใจที่สุด







ต่อไปกะคือเครื่องหมัก มี หอมแดง ตะไคร้ ข่า กระเทียม
ใบมะกรูด เกลือ กับ พริกไทย






ส่วนใบมะกรูด กับ ใบโหระพา กะเอามาไว้รองหม้อ
ตอนนึ่ง เพื่อเพิ่มความหอมให้ไก่นึ่งของเฮา







เครื่องปรุงรสอย่างละหนึ่งช้อนโต๊ะ
น้ำตาล น้ำปลา และ น้ำมันหอย









วิธีทำกะบ่ยาก
เอาไก่ล้างให้สะอาด เอาส้อมมาแทงๆ
เวลาหมัก น้ำหมัก สิได้ซึมเข้าเนื้อไก่


เอาเครื่องหมักทั้งหมดมาซอยแล้วโขลก
ผสมเกลือหนึ่งช้อนชา แล้วเอาลงไปคลุกกับไก่
เติมน้ำตาล น้ำปลา และ น้ำมันหอย
ใช้ถุงมือบีบๆนวดๆหมักให้เข้ากัน
ใช้เวลาหมักประมาณครึ่งชั่วโมง










ก่อนจะเอานึ่งเอาใบโหระพากับใบมะกรูด
วางลงไปก้นหม้อ
ตามด้วยถ้วยไก่ที่เฮาหมักเอาไว้
ยกขึ้นไปนึ่ง ใช้เวลานึ่งประมาณ 40 นาที








ยกลงมาโรยหน้าด้วยผักชี
เรียบร้อยครับ ไก่นึ่งอีสาน กินแนมกับ ส้มตำ
และข้าวเหนียว เข้ากันคักอีหลี




Create Date :21 มีนาคม 2560 Last Update :21 มีนาคม 2560 10:14:51 น. Counter : 454 Pageviews. Comments :3